火火戀愛信箱:「大食女」有錯嗎?
Photo Credit: Getty

大食女嫌男友忙,性需要不被滿足,應該分手嗎?《ELLE》香港找來御用兩性專家火火回答這位讀者的來信,看他怎樣排解讀者的疑難雜症。

Hello火火!今次有少少sex嘅問題想請教你!同男朋友一齊咗一年,每個星期都

Hello火火!今次有少少sex嘅問題想請教你!同男朋友一齊咗一年,每個星期都搞最少三次,次次都一個鐘左右,佢成日都覺得我呢方面「大食」,身邊嘅朋友都覺得我有啲太demanding,但我自己其實覺得唔足夠,成日都會有衝動想搞。最近佢工作比較忙,有時會搵藉口拒絕我,但講真,真係有「餵我唔飽」嘅情況⋯⋯

都體諒佢工作忙,有婉轉提出過想做多啲,但係無奈佢真係唔係特別好有

都體諒佢工作忙,有婉轉提出過想做多啲,但係無奈佢真係唔係特別好有性慾嘅人,有時真係想搵個有性冇愛嘅 SP搞掂佢算,男人可以叫雞女人又點解唔可以搵SP呢?你覺得我可以點樣處理我同我男朋友之間性需要唔平衡嘅問題?如果我真係搵SP,你會支持嗎?會唔會覺得我好slutty?
Zoe上

Zoe你好:首先我講明先,我唔係專業醫生或專業性治療師呀!我講嘅只係我

Zoe你好:
首先我講明先,我唔係專業醫生或專業性治療師呀!我講嘅只係我嘅睇法同意見,啱聽就聽,唔啱聽亦唔代表你有問題,OK?

不過我都識唔同人,例如一個性上癮嘅朋友,佢係非常需要的。一齊飲嘢佢

不過我都識唔同人,例如一個性上癮嘅朋友,佢係非常需要的。一齊飲嘢佢會突然唔見咗人,然後個零鐘後返嚟,問佢去咗邊佢話:「突然好想要,所以去咗『搵人』解決。」

一日裡面,佢會有五六次以上這種不能自控嘅性需要,影響健康,影響生活

一日裡面,佢會有五六次以上這種不能自控嘅性需要,影響健康,影響生活;所以佢要睇醫生。呢個例子唔係想話你有性上癮,只係畀你參考一下,自己諗下你有冇呢個問題。記住係參考,性上癮唔係個個都一樣。好喇,如果你冇呢個問題,咁我話你知乜嘢先算問題。我都識專業性治療師,佢經常同我講,好多人誤以為太多、太少或有特殊喜好就視之為問題,呢個睇法係錯嘅。真正問題係,兩個人因此覺得不協調或不愉快,才是問題,才要正視!

不明白?即係咁,你好喜歡做愛,一個星期想日日做,不是問題。如果你的伴侶

不明白?即係咁,你好喜歡做愛,一個星期想日日做,不是問題。如果你的伴侶同你一樣都愛日日做。大家快樂到不得了,就冇問題喇!相反大家都唔多太愛做,一齊十年次數少但又非常恩愛,又係一樣冇問題!有問題就係你㼈家咁,兩個不協調,你唔滿足,佢又辛苦,咁就要處理喇!

講咁耐係好想你明白,並非你係咪淫蕩。記住,唔係你有問題,唔係佢有問題

講咁耐係好想你明白,並非你係咪淫蕩。記住,唔係你有問題,唔係佢有問題,係兩個人嘅性生活不協調令到關係有問題。唔好話我煩呀!香港仲有好多成年人非常無知,一有呢啲問題就怪責對方呀!明白就終於可以講點處理。首先,當大家係情侶身份時,雙方都有責任面對同處理嘅。第一步就係傾談一下有冇解決方法去協調一下。

唔好話鬼唔知咩咁呀!性治療師話呢個最基本又最有效嘅方法,係香港人

唔好話鬼唔知咩咁呀!性治療師話呢個最基本又最有效嘅方法,係香港人最唔識亦最怕做嘅方法!好多人對住成世性生活唔開心都唔講㗎!起碼你封信都只係講佢搵藉口唔同你做,你婉轉提出想做多啲,以上兩樣都只係逃避同夾硬要,而唔係處理緊件事㗎!所以要勇敢冷靜去互相傾訴一下。傾唔到就要真係搵性治療師幫你。你又話應唔應該搵SP,我就一定反對!唔係反對你搵SP,係反對你有男友時自己決定搵SP!這是非常不忠於男友!

你可以將你呢個想法同佢講,佢唔反對嘅,你搵就冇問題喇!又或者你先同

你可以將你呢個想法同佢講,佢唔反對嘅,你搵就冇問題喇!又或者你先同佢分手,單身之後晚晚搵SP都得!你有強烈性需要我覺得唔係淫蕩,但當你有男友時自己去搵SP,就係淫蕩嘞!
火火上

如想知道更多精采內容,請看《ELLE》三月號書。如果你都有愛情疑難,歡迎電郵

如想知道更多精采內容,請看《ELLE》三月號書。如果你都有愛情疑難,歡迎電郵至:elle.editorial@scmp.com或inbox至ELLE HK Facebook專頁