王貽興

有港姐成功碼住超級金龜小小超,同屆港姐原來嫁給年老富豪8個月就極速離婚,下半世打跛腳都唔洗憂,怪不得每年那麼多人衝到將軍澳面試港姐,就算再騎呢再醜怪,入不到三甲都沒關係,百貨應百客,有個頭銜,釣金龜真的方便一點……

原諒我真的不是有錢人的思維,不明白究竟一個女人多了個港姐的頭銜

原諒我真的不是有錢人的思維,不明白究竟一個女人多了個港姐的頭銜,為什麼就會吸引一點,馨香一點。唔ok既男人或者女人就算冠上港姐或者香港先生甚至第一夫人的頭銜一樣唔掂,更何況你年紀做人阿爺有突,怎麼會不明白這些女人痴埋你度係為咩?就算有戀父情結,你都似人地阿公阿爺多啦,唔通貪你陣老人除咩?

明明玩吓就算,最後卻天真地以為是真愛,同人地結婚,結果8個月內極速

明明玩吓就算,最後卻天真地以為是真愛,同人地結婚,結果8個月內極速離婚,身家分一半,人地拎住普通人幾世都賺唔到既錢印印腳繼續媾仔包小白臉,仲因為係有錢女人吸引力大增,你呢,就因為身家畀人分咗一半,少咗一半吸引力(甚至購買力),一個明明響商場上機關算盡聰明一世既阿伯,點可能響愛情(姑且當有啦)度會咁唔識計數,做埋啲蝕大本既生意?

常人都說女人一旦離婚,就好像新車落地,巿場價值立即大跌,但那僅限於

常人都說女人一旦離婚,就好像新車落地,巿場價值立即大跌,但那僅限於普通女人,對於嫁完有錢人閃電結婚又閃電離婚的女人而言,一直都是違反常理的存在。所以女人要嫁,老虎蟹都嫁有錢的,哪管對方又老又醜,忍一年半載,換回下半世清福,同時讓自己升值增值,世上還有什麼比這個更超值更穩賺不賠的交易?

怪不得我的宅男魯蛇朋友們都說不用上進不用努力賺錢。反正賺了錢飛

怪不得我的宅男魯蛇朋友們都說不用上進不用努力賺錢。反正賺了錢飛黃騰達,最後啲錢都係敗返響女人手上,咁仲點解要咁戇居,辛辛苦苦出賣靈魂害死咁多人,再將啲血汗陰質錢雙手奉上畀個扮愛你既人?