王貽興專欄：另一半的收入真的很重要？

月入兩萬才有資格拍拖，有人覺得太高，但又有人覺得太低。某網絡被奉為女神，外表氣質文青，實質拜金港女公主的女子私底下曾經理直氣壯說，兩人出一晚街，食個飯買少少嘢都至少花千多塊，一星期見幾天，一個月落樓都萬幾蚊，都未計送吓手袋手機，一年去幾次旅行，佢仲要供車供樓，一個月冇返五皮嘢，點養得起我？

然而現實就是太多男人做生做死做到隻狗咁，都係得萬幾蚊一個月人工。

所以那麼港女聰明到震，發明了團購集資，要找個月入十萬八萬的男人不容易，但找來十個八個月入萬幾蚊的毒男傻仔收晒佢地做兵，一個負責接送一個負責解決電腦手機與日常問題一個帶出去見吓人，一個隨傳隨到……分散投資，自己的物質生活水平得以保持，但又不用拋晒成個身出去，難怪人人都咁恨做女神，咁多女人都唔恨拍拖啦……

只是戀愛裡甜蜜幸福的程度，說真的，又跟另一半月薪沒有必然關係，特別是年輕時候，坐在街上聊天聊天光，從上環散步散到筲箕灣，坐電車坐一整天，Before Sunrise，After Sunset，花不了多少錢，卻一樣難忘，一樣浪漫，只要兩個人眼中只有彼此，他們寧願行靜一點的天水圍，都不想逛名店林立的廣東道……

只是大前提，你要找到一個跟你價值觀與好惡相同，靈魂感通的對象。這部分倒是錢無法解決的大問題。

你月入在哪個範疇，大概能夠吸引到哪個範疇的異性，但那只是伴侶，不一定是愛人；用月薪或者身家來開展的，只是關係，而關係裡，不一定有愛，有時候甚至是越做越無。