<img src="//tagger.opecloud.com/scmpmagazine/v2/noscript-image.gif" referrerpolicy="no-referrer-when-downgrade" />
火火戀愛信箱,今次打救話題終結者
Relationship
火火戀愛信箱:打救話題終結者
READ MORE

火火戀愛信箱:打救話題終結者

Share to:

又到「火火戀愛信箱」時間。世間愛情煩惱如此多,「話題終結者」就是其中一個。為了使普天之下再無人為情所困,《ELLE》香港找來御用兩性專家火火,他會定期回答讀者來信,希望能拆解一切情路上的疑難雜症。

火火戀愛信箱:打救話題終結者

又到「火火戀愛信箱」時間。世間愛情煩惱如此多,「話題終結者」就是其中一個。為了使普天之下再無人為情所困,《ELLE》香港找來御用兩性專家火火,他會定期回答讀者來信,希望能拆解一切情路上的疑難雜症。

01

兩性關係專家火火的戀愛信箱,今次打救話題終結者

你好,火火:

我一直是你的忠實粉絲,今年24歲,自問樣子正常,外在條件也不錯,之前拍過兩次拖,但因為生活圈子沒有太多男生,所以最近開始用交友app 和男仔聊天。

02

兩性關係專家火火的戀愛信箱,今次打救話題終結者

可能因為性格比較慢熱,發覺自己好像與新認識的男生相處不太自然,尤其是我在一對一的約會中,不太知道如何展開對話,試過有一次半餐飯都是你眼望我眼,極度尷尬,odd 到爆!然後我發現自己好像很容易將氣氛凝結。

03

兩性關係專家火火的戀愛信箱,今次打救話題終結者

自己在whatsapp 和男生對話時亦然,經常做了話題終結者,朋友說我很容易給人一種悶蛋的感覺,但我不太清楚怎樣令自己變吸引,究竟怎樣在whatsapp 表現無咁odd、不做句點王?如何在對話中令人想和我繼續聊天,約我出街?初次見面又有甚麼策略,給人留下好印象,想和我繼續約會?謝謝你解答!

Fanny上

04

兩性關係專家火火的戀愛信箱,今次打救話題終結者

Fanny 你好:

首先想讚讚你,因為如果你一直以來都是一張「摺凳」,竟然肯去嘗試交友app,都算是凡人一小步,Fanny 一大步了。

首先,如果你是一張靚女「摺凳」,應該不用打開,甚或你是啞的都冇問題啦!因為膚淺的男人會不停主動打開你,你只會來信問該如何一晚應付一億個話題,而不是為何用一億晚仍開不到一個話題⋯⋯那你應該是一張唔靚的「摺凳」。不要以為我第一句就笑你唔靚,我提這一點,就是要教你將短處變長處!

「摺凳」一般是怎樣對話?人「Hihi 」你,你回「Hihi」。人問你「做緊乜?」,你答人:「冇咩。」因為你就係冇話題嘛!

05

將短處變長處的意思就是你要永遠記住,你本身就是一個話題!!樣好衰、身

將短處變長處的意思就是你要永遠記住,你本身就是一個話題!!樣好衰、身材差、唔夠高等等,統統都是你殺入對手心中的利劍!不過記住,這招是用在還未見面的交友chat 時。

人「Hihi」你,你覆「Hihi」。悶!對話即時變成一池死水!人「Hihi」你,你回:「我唔靚㗎!」對方即時起碼有幾個不同可能的回覆:「我唔信」、「有幾唔靚呀」、「send張相嚟睇下」、「我都唔靚仔喎」等等啦!你話我作的話,我問番你對住「Hihi」我作唔作到?

08

明唔明?嗱!帶你出去玩喇!見面又點呢?男人都鍾意認叻,所以起步就可以用

明唔明?嗱!帶你出去玩喇!見面又點呢?男人都鍾意認叻,所以起步就可以用當晚見到的事物去讚他。例如:「你架車幾舒服喎」、「呢間餐廳我未嚟過㗎」、「焗豬扒飯我食得多,呢度好似好食啲咁嘅」。唔使理係咪真話㗎!架車可以唔舒服、間餐廳可以去過百幾次,碟飯可以好難食!你只要記住一個目標—就係要有話題!你隨便拿一樣眼前的事物去讚他,個男人會自動波講一大堆話去認叻!你跟得上的就接下去囉,接不上話就作過第二個題目!你話:「隔籬枱啲嘢睇落冇我哋咁好味」都得㗎喇!

09

再高手的話,可跟尾加句最老土的「點解嘅?」即係:「隔籬枱啲嘢睇落冇我哋咁

再高手的話,可跟尾加句最老土的「點解嘅?」即係:「隔籬枱啲嘢睇落冇我哋咁好味。點解嘅?」這句「點解嘅」就有無限發揮空間喇!佢一係就覺得你真的不知點解,此時就由佢講。相反,佢覺得你明知故問的話,即係得米!兩樣都有足夠動力給他撐落去!

Fanny,再深入的暫且不教了,因為看來你都係初級得好緊要,用這兩招先啦!

最後讓我「利申」一下,對於已是愛情高級組的讀者看到這裡,不要鬧我「教埋啲小學雞嘢」,今期這位朋友仔真係小學雞級數嘛⋯⋯

不過Fanny 你不用擔心,我好多女性朋友只係用這兩招,已經好多仔約呀!

火火上