王貽興專欄：為睇黃子華棟篤笑跟前度約會

有網友口賤說帽事既放心，又有人說紅館附近有幾家不錯的酒店。爸打感慨，別說是女友曾經提過想看，但他沒有為意，就算他很重視又如何？一票難求，難道真的要助長黃牛，幾千塊一張票也要買？他打工仔一名，收入不多，平日拍拖已經很大支出，兩張票夾埋分分鐘成萬銀，點嘔出來？

如果你為咗睇子華，瞞住另一半同ex出去，咁即係你愛子華多過你既另一半。子華可以替代其他嘢，譬如劉華，佢就嚟開演唱會，到時另一半冇飛，但有個擺明追你既異性有飛，你係咪又一樣偷偷瞞住另一半去？咁第時又有其他ex或者追求者買到外國某個你好鍾意既演唱會飛，遠既唔講，就講澳門，咁你係咪又會偷偷同佢過去睇？

原本呢件事就冇任何需要討論既空間，但一牽涉到子華神，一切又變得好似情有可願。咁佢真係金盤啷口冇下次架啦喎。唔去就真係冇得再睇架啦喎……

有人覺得你去就等於你愛前度唔愛男友，因為你為咗呢件事呃你男友。但其實講到尾，根本就唔係前唔前度既問題。放響天秤既其實係你既另一半同子華之間，你揀邊個……

掉返轉，假如你係條女，條仔買唔到飛，周圍冇人有飛，但咁啱ex有，仲唔介意同你一齊睇，好似當年果句「有票，你要唔要？」究竟你真係可以好理智咁樣頂得住誘惑(但子華神喎)？定還是都好似呢單嘢條女咁，呃住條仔，將呢個咁有紀念價值既最後棟篤笑，作為你倆共同既秘密回憶？

如果你個心根本唔響你另一半度，你覺得分享呢啲難忘時刻係可以同其他人，又或者唔會愛佢愛到第時一齊響屋企煲返DVD都冇所謂，真心既，及早分手，無謂呃自己啦。