<img src="//tagger.opecloud.com/scmpmagazine/v2/noscript-image.gif" />
Relationship
王貽興專欄:誰在計較?
Photo: Getty
READ MORE

王貽興專欄:誰在計較?

Share to:

女人在討論區投訴老公斤斤計較,事緣兩人結婚後老婆把所有信用卡支賬戶口都駁到丈夫戶口,即是女人交稅買嘢碌任何卡都要老公找數,最近這位女士碌大咗,碌咗兩萬幾蚊,丈夫一看戶口發覺碌大咗,要求老婆自己負責返條數,老婆就發脾四,周圍唱自己老公斤斤計較,又秋後算帳話男人結婚前曾經講過話會養佢,依家幾皮嘢就咁……

Photo: Getty
王貽興專欄:誰在計較?
Photo: Getty

女人在討論區投訴老公斤斤計較,事緣兩人結婚後老婆把所有信用卡支賬戶口都駁到丈夫戶口,即是女人交稅買嘢碌任何卡都要老公找數,最近這位女士碌大咗,碌咗兩萬幾蚊,丈夫一看戶口發覺碌大咗,要求老婆自己負責返條數,老婆就發脾四,周圍唱自己老公斤斤計較,又秋後算帳話男人結婚前曾經講過話會養佢,依家幾皮嘢就咁……

女人總愛在自己理虧時把男人浪漫時候說的話當真,男人說以後養起你你唔洗做,表示他有養你的心,希望你將來不用捱苦。

但除非佢含住金所匙出世,月入幾十萬,否則大人大姐,有腦有分析能力,呢啲說話聽完甜咗就算啦,仲當真,仲要響自己洗大咗之後拎嚟當話柄反咬人一口,是咪弱智架?

婚後兩人如何理財,支出如何分配負責,應該在婚前就有共識,如果你一開始讓對方願意被你把所有信用卡都駁到他戶口的說法是方便管理,以免賬目混亂,那就真的不可以借啲意Take advantage,自己任碌任洗唔洗留手,因為最後係佢找數唔係你自己戶口過數……

太多人愛嘴說一套內心盤算又是另一套,講就講支出大家攤分,但最後一有數要找,永遠係先叫身邊果個找晒先,找到佢冇晒錢,先開始由你去畀,結果你就永遠有私己錢剩,對方就個個月一個崩都冇,公平咩?

真正計較的人,才會動輒惡人先告狀,怪對方斤斤計較。錢財如是,愛亦如是,太多人對愛計較,對錢計較,永遠在計算自己的付出與收回是否合理,有沒有賺,會不會好蝕,然而這種人永遠不會懂,如果真的愛,你根本不會有這部小小計數機整天計來計去……

沒法子,這種人即使結了婚,她們真正愛的其實就只有自己。永遠就只有她們自己。