王貽興專欄：怎麼遇不上《愛的迫降》的玄彬？

若問自己怎麼遇不上玄彬，不如先問問自己怎麼長得不像孫藝珍。也許這正是人生荒謬之處，你夢寐以求想要遇上玄彬，但現實裡遇上的男人卻是每個下面都幼得像鉛筆。

而你，只是個一輩子不斷接收鉛筆的鉛筆刨。

荷蘭叻早在《最佳損友》裡講過，幻想永遠美麗，現實永遠殘酷。像玄彬這樣的男子，其實全是編劇根據現實缺乏什麼創造出來的，就像AV裡的女性，完全是根據現實女性的相反與匱乏設定出來。我們嘗試理性歸納一下，其實玄彬又好，都敏俊教授又好，又或者《太陽的後裔》曾經迷死不少雌性生物的宋仲基，都如出一轍，都是同一個模板設計出來的……

背景神秘，外形俊朗，木訥，甚至有點冷酷，不近人情，但深入認識才發覺對方原來只是用冷酷來保護自己，掩飾內裡的純真善良，明明擁有強大能力，卻又對自己一往情深，最重要是擁有這麼好條件，竟然不拿來孔雀開屏，一輩子就只等著跟自己相遇，然後為自己傾盡所有……

其實這種完全離地的幻想，跟男生渴望遇到又靚又好身處又聽話的AV女優一樣的女朋友，但原來出奇地竟然仲係處女，心態其實是大同小異的。

常認為幻想無妨，發洩過滿足過，就繼續腳踏實地做人，無需用玄彬的水平去規範埋怨自己身邊人，正如你男朋友如果用AV情節來要求抽秤你，批評你硬件軟件都比唔上佢地，妳都會嬲到想星佢一巴啦，係咪？

更何況，如果《愛的迫降》發生在香港，你只會因為行山玩降傘唔小心飛咗返大陸，然後畀個解放軍救咗，咁啱因為大陸封咗城，你走唔到，佢就收留你，然後……

哈哈，成套新版《表姐你好嘢》咁，當堂冇晒fantasy，完全唔浪漫lu。Bye。