<img src="//tagger.opecloud.com/scmpmagazine/v2/noscript-image.gif" referrerpolicy="no-referrer-when-downgrade" />
Relationship
王貽興專欄:男人應否替女友挽手袋?
READ MORE

王貽興專欄:男人應否替女友挽手袋?

Share to:

討論區又有人為了男人應否替女友挽手袋爭吵,恐怕這個命題將會繼《中學生應否談戀愛》成為當今辯論題目之經典。

王貽興專欄:男人應否替女友挽手袋?

討論區又有人為了男人應否替女友挽手袋爭吵,恐怕這個命題將會繼《中學生應否談戀愛》成為當今辯論題目之經典。

有比「男人應否替女友挽手袋」更兩難的戀愛大哉問,應該就是「阿媽同女友跌落海應該救邊個」。只是後者再難,現實裡都鮮有發生,很多港女女友也因為知道一問上述問題就立即現形,所以都越來越少明刀明槍咁問,倒是挽手袋問題,卻是每次見面都會隨時面對的煩惱與挑戰……

很多男人為了息事寧人,以為有理無理,挽咗先算一定冇死,但原來今時今日遊戲已經唔係咁玩,有一批港女認為男友幫女友挽袋係愛的表現,你愛我理得你點睇你啫?就係越多人望先越要你拎,畀位你上,等你威威豬,幫你加分咋,我咁用心良苦你都唔知道……

但是也有另一批女子,你以為是典型港女,一見面立即幫她挽袋,誰知道她們卻是痛恨男友替女友拎袋那批港女,即是痛恨港女的港女,她們因為不想被人發現自己是港女,所以部分港女行為她們都會劃清界線,驚死畀人發現佢真正身分。

心底裡想咁做一回事,但畀人見是另一回事,她們不想你拎,但你又不能不拎,所以你明知唔拎得都要拎,就係為咗要幫佢交戲,就是要通過斥責你來向全世界宣示,拿拿拿!睇我幾咁唔港女?

如果女友真正體貼有心,根本就不應該任這問題困擾你倆。這是個典型戀愛裡一bring out出來就先已經輸一半的問題,好地地能避則避,防患未然。

如果你男友真的夠疼你愛你,你根本不必用剝削貶損他的男性尊嚴來向身邊人証明他有多疼你愛你,如果你貧乏得只剩下挽手袋這一招來証明他有多疼你愛你,那你倆關係如何,你們有多恩愛,天知地知大家心知,你男友都自知,只有你懵然未知而已。