陳慧琳Kelly Chen, 古天樂Louise Koo

農曆新年將至,古天樂及陳慧琳齊齊現身,跟黃百鳴及一眾有線電視主持人,一起炮製團年飯迎接龍年。

眾人暢談家中的新年趣事,古仔更即席煎年糕及蘿蔔糕;Kelly則表示他的寶貝兒子蝦餃仔已識得做「請請」手勢,她將盡快教囝囝講恭喜發財,為逗利是做足準備!

陳慧琳Kelly Chen, 古天樂Louise Koo

問各人家中過年有沒有一些傳統習俗,古仔即說:「我屋企好傳統,年卅晚要拜神、用碌柚葉沖涼,年初一要一早同阿爸阿媽拜年,年初二食開年飯。而且仲要擇吉時拜神,上年的吉時係凌晨五點!行程真係仲密過拍戲。每次拜年,親戚的小朋友都會玩我,如果我嗰年拍武打電影就慘喇,個個當我真係識功夫咁捉住我打!」

 

陳慧琳Kelly Chen, 古天樂Louise Koo

問Kelly有否教蝦餃仔講恭賀說話,Kelly笑說:「蝦餃仔而家識得做『請請』手勢,不過就未教佢講恭喜發財,都差唔多要教喇!」她又分享湊仔的趣事:「我而家都仲會幫蝦餃仔剪頭髮,但我唔捨得剪太短呀,頭髮長長地都幾襯佢面形丫!」

 

陳慧琳Kelly Chen, 古天樂Louise Koo

龍年娛圈喜事多,黃百鳴亦催促單身的古仔快點拍拖,更大讚他條件好:「佢係圈中鑽石王老五,又係物業王!」古仔苦笑:「真係冇時間拍拖!」問他是否擇偶要求太高?他即說:「我已經冇要求架喇!」

 

0

Shares

Text by Scarlett Woo

Most Popular