地獄廚神出山!吳雨霏望男友廚藝佳

 有「地獄廚神」之稱的吳雨霏 (Kary)早前接受有線電視訪問,一向廚藝麻麻的Kary坦言若男友精於下廚的話一定會加分。被追問到新戀情時,本來表現得「敢愛敢認」的Kary即「縮沙」唔敢講。

主持甫見吳雨霏就笑稱她「地獄廚神」的形象深入民心,一知道她會落手炮製美食就有點擔心;Kary為免再次獻醜,故在節目中炮製「素菜芝士薄餅」,實行無火煮食,包保安全。

Kary透露自己一年前開始茹素,今次的素菜薄餅很合她口味。未知是否怕自己的廚藝嚇親男友,Kary坦言:「男仔精於下廚的話一定會加分!」談到下廚,Kary笑言:「之前聽人講過自己煮完嘢之後會唔想食,以前都唔信,不過自己試過煮完意粉後好攰,無晒胃口。」

相關報導:

>> ELLE專訪吳雨霏:進化論

地獄廚神出山!吳雨霏望男友廚藝佳

除了炮製素菜薄餅,Kary 在節目中又學調酒:「平時放咗工之後都鍾意同朋友飲酒輕鬆一下。我知有歌手鍾意出騷前飲酒,等演出時可以放啲,但我就唔敢飲,怕集中唔到精神。」

Kary談到她的新歌《告白》時,她坦言對男友說過善意的謊言:「自己曾經對另一半講過善意的謊言,因為唔想對方唔開心。如果有拍過拖,我覺得唔需要收埋,所以我之前都有認,我覺得無咩所謂。」Kary擺出一副敢愛敢認的姿態,但當被追問Kary 若再有新戀情時是否都會公開承認,Kary即「轉軚」兼「縮沙」表示:「我唔知呀?」,似是想低調處理感情事。此外,Kary早前被指戀上林子祥兒子林德信(Alex),更曾對方擔任MV男主角,當被問到二人拍MV時感情很投入,Kary就自誇好演技,又表示找Alex拍MV前與他已稔熟。

0

Shares

Text by Scarlett Woo

Most Popular