生仔恐懼症?溫碧霞領養囝囝:一個夠晒數

溫碧霞 (Irene) 早前接受有線電視訪問,坦言有生仔恐懼症,所以選擇領養小朋友,但有一個囝囝已足夠。談到與囝囝相處點滴,Irene表示最難忘是囝囝第一次嗌她媽咪。

愛心爆棚的溫碧霞前年收養一名僅10個月大的男孩,轉眼囝囝何國倫(Xavier)已經兩歲多。早前Irene忙裡到酒家學炮製別緻可愛的點心。Irene認真地跟大廚學搓麵粉團,成功造了一隻小企鵝及一隻「加大碼」的蜜蜂,被大廚笑稱是「蜂后」。

炮製完精緻點心後,Irene笑言唔捨得食,並急不及待用手機拍下自己的「傑作」與囝囝欣賞,又表示很想將小點心帶回家氹囝囝開心。Irene自覺有烹飪天份,不過無時間學習及鑽研廚藝:「我依家無意學煮嘢食,因為媽咪煮嘢太好食,我可以大飽口福享受佢煮嘅餸。媽咪炮製嘅上海年糕最好味;佢煲嘅雞湯翅,好味到喺出面都食唔到。」

相關報導:

>> 溫碧霞拒當甘草 後悔拍三級片

生仔恐懼症?溫碧霞領養囝囝:一個夠晒數

Irene表示收養囝囝時,囝囝僅10個月大:「第一次見佢時佢剛睡醒,第一眼就覺得與囝囝很合眼緣、佢好得意,我覺得收養到囝囝是一種緣份。」談到與囝囝的相處,Irene表示最難忘是囝囝第一次嗌她媽咪:「BB學講嘢時講嘢唔正,會講BB話,我覺得囝囝嗰時最cute (可愛)。」

生仔恐懼症?溫碧霞領養囝囝:一個夠晒數

Irene又形容囝囝性格樂觀:「佢好開心,成日都會笑,而且好享受做每一件事,無論睇書、聽歌,抑或返學,佢都好投入。」Irene又透露囝囝氣管容易敏感:「他有氣管敏感,轉天氣時好易咳,所以我好少帶佢去太凍嘅地方;平時唔係好畀佢食朱古力,因為我怕佢食得甜嘢多會好易咳,幸好囝囝好聽話,佢好鍾意飲湯。」

生仔恐懼症?溫碧霞領養囝囝:一個夠晒數

談到工作近況,Irene透露會推出三首歌的單曲,稍後會推出國語碟,也忙於拍戲。Irene坦言事業與家庭兩者皆重要:「工作係自己理想,不可缺少;小朋友係家中一份子,亦係自己疼錫的小朋友,對我嚟講兩樣都好重要,有時出去做嘢都會掛住囝囝。」但問到Irene會否考慮收養多一個小朋友時,Irene坦言一個夠晒數:「有囝囝一個已經好足夠,我已經覺得唔夠時間陪佢喇。」

0

Shares

Text by Scarlett Woo

Most Popular