為演好舞台劇!張敬軒苦練六舊腹肌

張敬軒最近亮相有線電視接受專訪,大談最新動向。

張敬軒早前參演舞台劇《我和秋天有個約會》,獲得甚高評價,但軒仔坦言事前十分擔心:「杜國威老師一開始搵我時,我真係唔敢做!因為羅冠蘭、蘇玉華等都是戲劇界泰斗,怕自己做得唔好。好彩成個劇組好似個大家庭咁,每次排練完我都會向羅冠蘭老師請教,佢又會好耐心教我。」

相關報導:

>> 張敬軒獲貴人相助 花五千萬廣州建錄音室

為演好舞台劇!張敬軒苦練六舊腹肌

軒仔又透露他特地飛去巴黎為舞台劇寫歌:「前作《我和春天有個約會》實在太經典,要作到咁家傳戶曉真係好難,但我盡量放低包袱去作《我和秋天有個約會》。但作到去副歌,完全無靈感,又眼見就快開始排戲,所以特登飛去巴黎寫歌,當俾自己放個假。」

(相片來源:網上照片)

為演好舞台劇!張敬軒苦練六舊腹肌

軒仔在舞台劇其中一幕要脫去上衣露出腹肌,軒仔表示留意到觀眾有不同反應:「第一排啲女仔就好怕醜,低頭唔敢睇;有啲就即刻同隔離朋友竊竊私語;我仲見到坐得遠啲嘅粉絲拎望遠鏡出黎睇!」軒仔又表示現在六舊腹肌已因疏於練習變成三舊,但11月將會再去台灣演出,故要再開始操練。

為演好舞台劇!張敬軒苦練六舊腹肌

軒仔除了忙於演舞台劇,亦非常用心經營在廣州的錄音室,問軒仔有沒有感到很大壓力?軒仔說:「都會有,因為錄音室剛剛入選世界首20名錄音室,希望繼續做得更好。」又問軒仔會否在自己的錄音室灌錄唱片,軒仔笑說:「都唔一定,要睇公司安排,始終成本會高啲。而家使用我地錄音室多數係古典音樂家,但我最近隻碟都有一部份歌係喺自己錄音室做。」

0

Shares

Text by Scarlett Woo

Most Popular