網民狠批!李克勤新作唱外傭、成人兒歌

李克勤早前接受有線電視訪問,亮相音樂節目《樂壇第一手》。談到新歌《姐姐》講及外籍傭工,題材雖然新鮮,但卻被網民狠批,克勤坦言會抱開懷心態接納網民的不同意見;又笑言曾想過出兒童唱片,但被譚校長大潑冷水指「無出路」。

李克勤剛推出全新廣東專輯《在森林和原野》,克勤表示今次的唱片是以成年人聽的兒歌為概念,讓人簡單、直接感受歌曲內容:「因為自己係爸爸的關係,經常接觸兒歌,兒歌的表達方式畀人感覺簡單、直接,易上口,所以新碟歌詞的表達會比較直接,碟中有三首歌更是自己親自操刀填詞。」

相關報導:

>> 談版稅風波 李克勤: 「我是第一個被開刀!」

網民狠批!李克勤新作唱外傭、成人兒歌

克勤表示其中一首主打歌《活著為求甚麼》是自己的新嘗試:「歌曲有些搖滾風格,我第一次聽demo已經覺得『掂』,而且有信心自己可以演繹好首歌,結果唱了兩次,唱片公司已經覺得可以用來做第一主打,希望可以帶畀歌迷新鮮感。」談到此曲的MV製作,克勤笑言落重本:「製作好龐大,我已經將所有錢畀晒Joey Tang(鄧建明)。」

網民狠批!李克勤新作唱外傭、成人兒歌

克勤表示製作此大碟時會天馬行空想一些題材作為大碟的藍本,例如有講及外籍傭工的歌、也有求婚的歌。克勤新碟其中一首由陳詠謙填詞的歌曲《姐姐》被網民批評為「膠歌」,問克勤網民的反應可有令他失望,克勤大方表示:「網民梗係咁架啦,作為公眾人物,接受唔到批評的話會好辛苦,不會太過介懷,我唔會因為網民言論而唔去睇,駝鳥政策係唔可行。」

網民狠批!李克勤新作唱外傭、成人兒歌

問克勤可有想過唱兒歌,克勤笑言曾問過譚校長(譚詠麟)意見,但譚校長怕克勤會被定型「返唔到轉頭」:「我見依家市面上充斥住好多水平參差的兒歌,曾經有諗過同校長一齊打造一隻有質素的兒童唱片,仲特登問校長意見。校長好認真咁想了好久,諗到皺晒眉。佢話唔係擔心兒童唱片賣唔賣得,而係怕賣得之後,定位會變得模糊,返唔到轉頭。」

0

Shares

Text by Scarlett Woo

Most Popular