孫耀威愛重口味?自認煮家男!

歌手孫耀威(Eric)最近接受有線訪問,閒時愛下廚的Eric即席在節目上炮製兩道台灣菜,更自爆曾為女友陳美詩及其家人以獨門秘方煎鱸魚,笑言立即獲加分。

孫耀威表示難得亮相飲食節目,要「露返兩手」曬廚藝。Eric曾在台灣發展一段時間,故對台灣菜情有獨鍾,特別選擇炮製兩款地道的台灣菜式「三杯雞」及「菜圃蛋」。Eric在調味時出手豪邁,不用量度份量,便隨手放入大量香料和調味料。

相關報導:

>> 孫耀威放日軍照 惹網上風波

孫耀威愛重口味?自認煮家男!

喜愛下廚的Eric笑言曾以獨創煮法煎鱸魚,並大獲好評,他得戚地說:「一般人通常就咁將條魚兩面煎香,但我就有獨門秘方,將層皮煎到好似薯片咁脆!真係幾好食架!」問Eric到底是誰能成為幸運兒品嚐到這菜式?Eric則甜絲絲表示:「我係煮俾我女朋友同佢屋企人食嘅,都即刻加晒分架!」

孫耀威愛重口味?自認煮家男!

Eric賣花讚花香,力讚自己煮的台灣菜好味。主持人譚凱琪在途中神秘地拿出一本小冊子表示:「我要送一份好有歷史價值的禮物俾Eric!」Eric一看,原來是他當年參加大專聯校歌唱比賽的場刊,他拿著場刊笑說:「簡直勾起我那些年的回憶!」他憶述:「我諗返起我當時雖然好鍾意唱歌,但就比較怕醜,好易怯場同怕面對觀眾,所以我師兄就逼我去參加歌唱比賽,幫我訓練膽量,當時對我嚟講都係幾大挑戰!」

0

Shares

Text by Scarlett Woo

Most Popular