發哥與紅姑!《秋天的童話》的秘密故事

港產片《秋天的童話》都可算是香港電影一大經典,早前導演張婉婷就為有線電視作嘉賓,細訴拍攝文藝電影《秋天的童話》背後鮮為人知的故事。

 (相片來源:網上照片)

《秋天的童話》可謂香港文藝電影的代表作,導演張婉婷亦憑此聲名大噪。不過,張婉婷在訪問中卻表示開拍《秋天的童話》,從找投資者至選角都困難重重。她表示:「80年代,觀眾習慣看笑片,大家一聽到『童話』就好迷茫,我搵勻晒所有電影公司都無人肯投資。最後我嘗試問岑建勳,點知佢未睇晒個劇本已經覺得好睇,仲驚我哋俾咗第二間公司,即刻打電話俾我哋簽約。佢都估唔到我哋之前咁慘。」

發哥與紅姑!《秋天的童話》的秘密故事

找到製片人投資後,張婉婷便為選角而煩惱:「我哋一開始屬意找張曼玉做十三妹,但佢要拍另一部戲,度唔到期。我提議用鍾楚紅,但岑建勳就好懷疑,話鍾楚紅拍咗好多部戲都係陪襯居多,擔心佢擔唔到大旗。但我覺得鍾楚紅好有氣質,對佢好有信心。結果佢真係好用心做好個角色,努力研究點樣演,啲款式老土嘅衫都肯著,決心洗脫『花瓶』嘅形象。」

發哥與紅姑!《秋天的童話》的秘密故事

此外,男主角周潤發在電影開拍前人氣急升,亦令張婉婷一度十分擔心:「我哋搵周潤發時佢都未算好紅,佢一口答應我哋。點知《英雄本色》一上畫,佢一夜之間變成巨星,好多人搵佢拍戲,我之前又無同佢簽約,好驚佢會臨時唔拍。」不過,張婉婷大讚發哥除了演技出色,亦十分講義氣:「劇組臨出發去紐約之前,我戰戰兢兢咁打電話俾發哥,點知佢好爽快咁話『我應承得你我就一定會嚟,放心啦!』聽佢咁講我惟有信佢啦,咁我先安心少少!」

 (相片來源:網上照片)

發哥與紅姑!《秋天的童話》的秘密故事

張婉婷拍《秋天的童話》時執導資歷尚淺,她大爆因此差點激怒周潤發:「最後嗰場戲,講周潤發飾演嘅船頭尺買完份禮物跑去十三妹屋企,發現十三妹走咗,再狂奔追車。我當時仲係導演新丁,唔係好識同演員溝通,又要拍好多個不同角度,結果搞到發哥不停跑咗十幾日,出晒名好人的發哥都忍唔住講:『導演,我嚟到之後每日都係咁跑!咁唔掂喎!』我諗我應該激到佢死死下!」

 (相片來源:網上照片)

0

Shares

Text by Scarlett Woo

Most Popular