最愛甜品!林德信大談爸爸林子祥

林子祥兒子林德信(Alex)最近加入樂壇,曝光率增多。日前,他就接受有線電視訪問,初次學習炮製魚片粥,並大爆爸爸林子祥的飲食習慣。

林德信自小在外國長大,食慣西餐,要Alex跟老闆學捉魚及即席炮製生滾魚片粥。老闆一邊示範捉魚一邊向Alex講解捉魚的竅門, Alex看罷後還口爽地表示:「好易!」怎料當主持要Alex嘗試親手捉魚時,Alex即猶豫地問:「會唔會咬人?」Alex第一次徒手捉魚時因為動作大慢,大鯇魚猛力掙扎而失手;後得師傅教路,Alex眼明手快就將大魚撈起。後來師傅叫Alex用木棍扑暈鯇魚準備炮製魚片粥,斯斯文文的Alex即耍手擰頭表示:「我唔掂架,咁殘忍,我落唔到手!」第一次踩入廚房學捉魚及炮製魚粥,Alex大嗌好好玩。

被問到爸爸林子祥有否親自為他炮製過美食,Alex即大爆:「佢相信佢從未入過廚房煮食,唔係因為佢有大男人性格,只係我同爸爸對食都唔太講究。不過我跟他都好鍾意食甜品,特別係梳乎厘,簡直係我們至愛。」

Alex笑言很多時與爸爸的溝通都是靠三言兩語及簡單的表情,大家就會心領神會,彼此好有默契。但自從入行後,Alex與爸爸的話題多了很多,不少也圍繞著音樂:「我錄歌時會問佢意見,佢會講好多佢的諗法。我之前有隊band,有時出騷他都會去睇,好同唔好都會照直講,唔會收收埋埋。」被問到有否因為爸爸林子祥的影響而喜歡音樂,Alex毫不猶豫地表示:「當然有,我之前想唱多些廣東歌,都係首選聽爸爸的歌,留意佢點唱,我學到佢一半已經好好。」

Alex是瑜伽愛好者,曾擔心加入娛樂圈便要捨棄自己所愛:「入行前有擔心過工作太忙要放棄瑜伽,好彩依家仲可以keep住做,每日起碼練一個鐘先安樂。做瑜伽唔單止可以幫我平衡到工作同生活,讓心靜下來,仲幫我解決到好多問題。」

相關報導:

>> 林子祥兒子闖樂壇:有爸爸一半就好!

0

Shares

Text by Scarlett Woo

Most Popular