最愛還是葉佩雯！Eric Kwok自揭兩度面對婚姻破裂

談及新劇《短暫的婚姻》，於劇中Eric Kwok飾演一個好錫老婆但又忍唔住偷食的大律師，他早前受訪時被問及自己的婚姻法則，就分享道：「婚姻係無時無刻都要灌水施肥。」

談到婚姻，問到佢認為現代人對婚姻的看法是否沒有從前那麼認真？Eric Kwok就說：「以前的婚姻是一生一世，無論好和不好，都要忍讓和包容對方。現在的年代，男女比以前平等，雙方都有自己事業，男女地位開始拉勻，女士更加不用忍受男士的不忠，如果婚姻出現問題就會選擇分開，因為分開易過繼續。」

那麼Eric Kwok覺得自己是個難相處的人嗎？他就說自己不麻煩，監製其他歌手的唱片時非常客氣，只是替太太葉佩雯做監製時，會忍不住發脾氣：「拍拖最初兩三年，真的很火爆，很多肢體碰撞，她那時情緒不太穩定。」

直到現在結婚後相處良久，雖然Eric Kwok和葉佩雯被視為模範夫妻，但這段為外人稱道的婚姻的曾經觸礁，Eric Kwok自爆和太太曾經兩度面對婚姻破裂，幾乎離婚，當時兩人熱戀期已過，感情開始冷卻，Eric Kwok曾經背着老婆出軌：「應該話我做咗啲係男人都想做嘅嘢！」令雙方幾年來辛苦建立的信任基礎於一夜間粉碎。

不過更令人驚訝的是，葉佩雯向Eric Kwok進行報復，隨後「反偷食」，Eric Kwok說：「最痛苦的是知道之後的九個月，Grace尚未與情夫斬纜，每一日都要承受：『究竟佢嗰日出去係咪真係做嘢呢？』」最後兩人發現仍然深愛對方，決定互相原諒之前犯的過錯，重新開始。現在事情已過了一段長時間，當事人都可以一笑置之：「人都會做錯事，但不會再犯！」

經歷過低潮，他說現在一定要經常和太太溝通，即使會感覺煩厭，但仍會為了令對方安心而做：「寧願佢安心好過，佢問乜都要be honest，最重要時講過的事要算數，例如承諾了幾點返就一定要返。女仔要單獨同我食飯？唔好話食飯，單獨攞我微信都難，我連instagram follow什麼人都要小心，因為我老婆會看，同埋有傳媒，可以肯定我一定冇出軌。」