古天樂陳慧琳 聯手炮製賀年菜

問各人家中過年有沒有一些傳統習俗，古仔即說：「我屋企好傳統，年卅晚要拜神、用碌柚葉沖涼，年初一要一早同阿爸阿媽拜年，年初二食開年飯。而且仲要擇吉時拜神，上年的吉時係凌晨五點！行程真係仲密過拍戲。每次拜年，親戚的小朋友都會玩我，如果我嗰年拍武打電影就慘喇，個個當我真係識功夫咁捉住我打！」



問Kelly有否教蝦餃仔講恭賀說話，Kelly笑說：「蝦餃仔而家識得做『請請』手勢，不過就未教佢講恭喜發財，都差唔多要教喇！」她又分享湊仔的趣事：「我而家都仲會幫蝦餃仔剪頭髮，但我唔捨得剪太短呀，頭髮長長地都幾襯佢面形丫！」



龍年娛圈喜事多，黃百鳴亦催促單身的古仔快點拍拖，更大讚他條件好：「佢係圈中鑽石王老五，又係物業王！」古仔苦笑：「真係冇時間拍拖！」問他是否擇偶要求太高？他即說：「我已經冇要求架喇！」