林海峰《是但噏Happy Monday》10大金句！句句有骨，絕對唔係是但噏

林海峰《是但噏Happy Monday》內容多元化，不僅訴說打工仔心聲，當然還會緊貼時事，更將家人趣事、做人父親的辛酸盡情擺上枱，自爆各式話題，笑聲源源不絕！

林海峰《是但噏Happy Monday》當然不乏金句，他以自己的第一份工做開場白，想起前輩教路：「Getting a job is just like getting married」，求婚成功找到人生第一份工；第二段婚姻更嫁得好好，由21歲做到現在52歲，但不是人人都這樣好彩，有些人第一日返工就開始坐冤獄！

林海峰《是但噏Happy Monday》提到年代不同，打工環境也不同，以前有說「工作係恩賜，休息係放肆」，但今日就變成「加班係恩賜，加薪係放肆」，今日搵到的大部份工作，都是「正衰工」，更加搞到本身的婚姻生活不如意。

林海峰《是但噏Happy Monday》講出打工仔心聲，談到人工加幅猶如電車速度，老闆叫你講心唔講金，就算打工仔想放假，但可以的話，放監更好，因為放監不用回去，放假就只是放風而已。

林海峰《是但噏Happy Monday》提到，自己曾經在舞台劇中飾演出軌男，憶起導演當時教路，只要有掙扎就不是一個壞人，觀眾就會同情；他笑稱，「壞咗的人寧舍精神，壞咗的人先至係人」、「絕對的權力可以令人絕對的腐化，但絕對無力係可以令人絕對睇化。」

林海峰《是但噏Happy Monday》提及，以前的人權力愈大，責任愈大，現在則是權力愈大，隻鑊愈大，結果「只係容許下面的人忍夠辭職，從來無上面的人引咎辭職。」

林海峰《是但噏Happy Monday》不忘提及自己的家庭趣事及辛酸，坦言育有兩位公主，一個19歲、一個15歲。當二人正值反叛期，遇上自己的更年期，兩位公主去到餐廳要自己睇餐牌叫菜，好似睇小說般這麼久，催促她們卻被反眼。

林海峰《是但噏Happy Monday》當然沒有迴避香港的轉變，提到香港人以往唯利是圖，到現在變得正能量：「而家咁多人叫加油係咪收咗錢？呢個同錢冇關，同以前真係變咗，以前香港人個個叫炒樓，而家叫加油，香港人真係變咗。」

林海峰提到棟篤笑以「HAPPY MONDAY」來命名，當初希望大家星期一返工開心，但這幾個月來發生很多事，特別是星期六日，讓大家星期一返工更加不開心，直言只要一個人不再返工，全部人返工都會好開心。

林海峰自評廢中，自己那一代經常都說欠了年青人，卻是有欠冇還，所以誠信破產！年輕時怎樣過暑假，現在的年輕人、未來社會的棟樑，又怎樣過？

林海峰開騷，坦言自己最期待的假期是端午節，因為紀念愛國詩人屈原投江自盡。他慨嘆如果有一個人犧牲，香港人都有一日假期，相信不久將來，全年可能返幾日工，倍感唏噓及諷刺，但他用歌曲寄語大家「努力！奮鬥！加油！」