鄭嘉穎與陳凱琳因為拍劇撻着，拍拖3年多後，去年正式於峇里註冊結婚。向來給人花弗形象的鄭嘉穎，婚後變成顧家好男人，將鄭太陳凱琳寵作掌上明珠。

去年11月陳凱琳與鄭嘉穎分別於Ig上宣布懷孕的喜訊，最近Grace又爆料自己陀B仔，而鄭嘉穎亦冧爆留言：「衰仔，我等你！」看來他已經Ready好做爸爸了！

雖然Grace已經開始見肚，但她仍不時出席公開活動，繼續密密做儲奶粉錢。據指她的預產期為今年3月，目前陀B約6個月的她，仍然身形纖瘦，真叫人羨慕！

被指擁有過億家底的陳凱琳，今次的Babymoon選擇乘搭廉航出發，非常貼地。其實過去陳凱琳與家人、嘉穎旅行時，都曾經選擇坐廉航出發，看來她對廉航情有獨中。

其實陳凱琳早前出席活動時，已經透露過想襯着生B前去一個短旅行，今次的芽莊之行，相信就是他們三人行前的甜密二人世界。

除了帶太太出國小渡假，鄭嘉穎與陳凱琳相戀後一直對女友加以溺愛，不但為她戒煙戒蒲，收心養性，由浪子變成絕世好老公。

鄭嘉穎錫老婆錫到濃，但面對著太太即將出世的前世情人，他難免都會有點小呷醋，「我會忍手唔買BB嘢住，但佢一出街就睇BB嘢。佢同我講第時囝囝出咗世，唔好唔記得老公。」