妙問妙答！周潤發網上親自回應粉絲提問

唱作歌手 The Pancakes 的提問：「發哥, 有個傻婆作咗首《給發哥的歌》, 請問你有沒有聽過? 識唔識唱一兩句咁? 如果在街上遇到那個傻婆, 你是否願意和她一齊跳起yeah咁合照? 謝謝, 祝你和發嫂快樂和身體健康~」

發哥回應：「你呀～真係令我變皇上皇啦！有人作歌畀我，下次同你一路鋸pancake一路影相！多謝你多謝你！ by發哥」

問：「請問在哪裡較易見到發哥你？」

答：「 我屋企~ 其實如果真係愛我就唔好搞我，放野我啦～～ by 發哥」

網民提問：「發哥,有無時間上黎我屋企食餐便飯?」

發哥回應：「有d挑戰性wor~ 你煮咩畀我食先 by發哥。」

提問：「發哥，咁多人要同你影相，會唔會有時有小小煩躁？」

回應：「又唔會既，不過有時d人唔識用自己部機自拍，我真係..畀部機我搞啦～ by 發哥」

提問：「發哥 其實你拍咁多套戲你自己有咩角色係你最想做的」

回答：「梗係做啞佬啦～唔使記對白嘛 by發哥」

提問：「發哥有無宗教信仰?」

回答：「我覺得宗教係因人而異。我鍾意佛學，但唔係一種信仰。 by 發哥」

問：「發哥同發嫂一齊咁多年都咁恩愛，請問有咩相處之道分享下呢？」

答：「食多d阿膠＋蜜糖～ by 發哥」

問：「發哥 ， 發哥 ，點解你甘靚仔?」

答：「問我媽媽～ by 發哥」

有網民上載此張昔日發哥與鄭裕玲合作的陳年照片，並呼籲他到鄭裕玲主持的電台節目接受訪問。

發哥的回應：你咩意思呀！po d 咁既相！！！ by 發哥