男友帶你見家長,伯父伯母的印象分非常重要(尤其初次會面),要是妝容出事,老人家很可能已經默默扣分。因此,ELLE.com.hk的編輯們出動問父母及年長親友們的意見,究竟他們見到未來新抱仔化哪類妝會扣分?若要避開這些地雷,不妨聽聽家長們對女生妝容的看法。

李聖經的眾多妝容中,邊個最扣分、邊個又最得你歡心?

編輯Ode母親(56歲):我最中意梗係乖乖女啦,A、B都好,望落去純品嘅,唔通搵個wet妹做新抱咩。你睇下C呢個款,又有霸氣又野性,對眼化到烏卒卒,唔夠乖囉,覺得好外向,唔會理屋企。如果我個仔娶呢件,我會替佢有少少擔心!

扣分位:深啡眼妝

石原里美 的眾多妝容中,邊個最扣分、邊個又最得你歡心?

行政編輯Iris父親(66歲):如果阿仔有女友,我當然望佢係B啦。乖唔乖憑個樣看不出來,但從樣子看B肯定是四個之中最富青春氣息。D則最差,看起來「老餅」。(那麼A呢?看起來不也很年輕?)A刻意扮乖,好作狀!而且有抄襲舒淇之嫌。(不覺得B面無血色嗎?)家長不是醫生,個女生有無血色唔關我哋事。

扣分位:紅唇妝,會顯成熟,即他眼中的老餅。

李佳芯 的眾多妝容中,邊個最扣分、邊個又最得你歡心?

助理編輯Meilian母親(63歲):其實個個妝都幾好睇,我個仔中意我就中意㗎啦,邊得你老人家揀。(一定要揀個最扣分呢?)化到鬼五馬六咪扣分囉,咁最扣分就係B,對眼好似化到好紅。(這叫兔子眼妝,專登化到楚楚可憐咁,男人中意的。)好笑家門開啊,點解要化到可憐?

扣分位:啡紅色眼影

鍾欣潼 的眾多妝容中,邊個最扣分、邊個又最得你歡心?

編輯Erika父親(62歲):我個人最喜歡D,妝容化得好恰當,無論是胭脂、唇色都幾自然,最扣分一定係B,因為瘀紅色唇膏太突出,堂眉又好似黑得滯,太有英氣。我唔中意女仔化粗眼線,然後誇張假眼睫毛,好似把扇咁,其實好肉酸。

扣分位:粗眼線

高俊熙 的眾多妝容中,邊個最扣分、邊個又最得你歡心?

助理編輯Meilian舅父(58歲): 我覺得A、B呢兩個妝化得好好,時尚又好睇,幾襯佢面形。(不覺得太濃?)我地個年代(指70、80年代)D女人個個都化得勁過佢啦,眼影、鼻影都好重手。最扣分就係D,表情好愁。(這次只評妝)佢都好似無化妝咁,一個女人如果化左妝就有自信,你理得佢化幾濃吖!

扣分位:偽素顏

小松菜奈 的眾多妝容中,邊個最扣分、邊個又最得你歡心?

編輯助理Kenas叔叔(53歲):四個都化得唔好,但我最憎C,好妖艷,有水性揚花的感覺。另外B的藍色眼線好奇怪,標奇立異,我不中意女仔堂眉太粗,覺得似男人又好惡,有機會蝦我個仔。

扣分位:紅唇及粗眉

郭書瑤 的眾多妝容中,邊個最扣分、邊個又最得你歡心?

編輯Stephanie母親(60歲):未來新抱是cute cute的也不錯!所以C幾好,又無咩點化妝。(如果增加可愛感像D一樣加粒星星呢?)唔中意,返幼稚園咩!A就最扣分啦,梳頭都梳得唔整齊,個樣又唔開心,而且嘴太紅、塊面又塗到馬騮屎忽咁。

扣分位:紅唇

郭碧婷 的眾多妝容中,邊個最扣分、邊個又最得你歡心?

ELLE 辦公室助理Vicky(45+):B至D都化得很好啊,清清地、簡簡單單就可以了。A並不是個妝化得唔好,在於明星來講係好靚,突出輪廓,但如果我自己個仔的女朋友是這個樣子就無咁好,好似化到好行咁,但自己又唔係明星。其實自然簡單就會令我地父母加分,也感覺易相處。

扣分位:貓眼妝

想化個亮麗淡妝見家長?美容編輯推介以下這10件好用化妝品!

明彩透亮氣墊粉底($480, YSL Beauté)

水漾塑顏粉底液($425/30ml, Guerlain)

Olympia’s Wonderland彩妝盒($695, Lancôme)

Ribbon Couture Eyes 5色眼影($360, Jill Stuart)

魅惑攝人持久眼線液($250, GIORGIO ARMANI Beauty)

Beauty Silhouette Mascara($200, SHISEIDO MAQuillAGE)

Rouge Dior Double Rouge 傲姿炫金霧光唇膏($280, Dior)

貓咪珍珠柔光護唇膏( $160, Paul & Joe)

FOOLPROOF 雙色豐盈眉粉( $ 230, Benefit)

柔滑眉彩蠟筆($69, Maybelline)