godman
CHOICES:
Shu Uemura
shu uemura Green Tea Cleansin...
綠茶抗氧化潔顏油
| 價錢： | $220 | 容量： | 150ml |
| 總評： | 4.8 | 用家： | godman,2010-06-18 01:03:16 |
我一向都係shu uemura的粉絲，平日落妝都係用shu uemura的潔顏油，因為覺得真係好正、好好用，一次過潔面加卸妝，非常方便，依家還新推出咗依個綠茶抗氧化潔顏油，真係好想試用，所以今次好多謝elle比我有依個機會。
有d朋友話依個卸妝油卸得唔夠乾淨，不過我就唔認同，其實程序錯咗，就會影響洗得唔乾淨。
首先份量係好重要，太少係唔夠溶化d妝，大概泵3-4下，之後推開全個面，由其眼妝部份要落多d，因為睫毛液係最難卸，然後輕輕打圈按摩，令卸妝油溶化d妝後，就再加少少水乳化佢，乳化o既過程會見到d妝及睫毛液都通通除著d水溜走，之後先再用水洗面，咁就乾淨哂!唔需要再另外用潔面乳洗面，真係好方便︳而且又夠保濕，洗完面完全唔覺得笠，反而覺得好水潤，好清爽。
新推出o既抗氧化潔顏油加入銀杏葉精華，抗氧化比以前提升咗!洗面之餘仲可以抗衰老，真係一舉兩得。一包剛好用一次，味道好似d香薰油o既氣味咁!令我感到好舒服，質感同以前用開o既一樣，但比以前更好，因為洗完面後皮膚變得更通透亮白，感覺又清新，洗得又乾淨，因為之後用潔膚綿抺面，都無污糟，係真正o既零負擔。
Lancome
LANCÔME Genifique
LANCÔME Genifique 嫩肌活膚精華...
| 價錢： | $620 | 容量： | 0ml |
| 總評： | 4.8 | 用家： | godman,2010-05-31 20:42:28 |
年紀開始大，所有幼紋和表情紋都出晒嚟!面部o既彈性都無咁好，所以都好擔心，唯有要用d好o既產品去保護肌膚，甚至希望得到改善，但用咗LANCÔME嫩肌活膚精華露後，估唔到效果咁好，我只係用咗一個星期，效果就咁顯著，有時我試用其他精華素，都要試成個月先見效。瓶身好吸引我去選購，因為睇落去好似好有效咁，而且又靚!份量只需要五滴左右就夠，唔需要好多份量就可以塗勻成個面，真係好底用!透明水狀，無乜味道，肌膚好容易就吸收，用咗一個星期，就見到面上o既幼紋淡咗!而且肌膚緊緻咗!又加強咗彈性!連面上o既毛孔都變得幼細!真係比到我驚喜!
Estee Lauder
Estée Lauder CyberWhite EX A...
突破亮白高效精華
| 價錢： | $610 | ||
| 總評： | 4.6 | 用家： | godman,2010-05-05 23:53:59 |
本身好容易晒黑o既我..真係好需要一支有效o既美白產品...而且我好耐之前因為防晒功夫做得唔夠...所以面部有d地方出o左d色斑...但用咗個幾星期o既「亮白高效精華」後...面上o既斑好似淡咗少少..而且質地輕薄...一d都唔覺得笠...又容易吸收...有淡淡清香...塗上面感覺好舒服...用少少份量就可以塗地整個面...所以好底用!
Lancome
Lancôme UV Expert Active Pro...
全方位防禦抗曬BB粉底
| 價錢： | $350 | ||
| 總評： | 5 | 用家： | godman,2010-04-26 22:55:04 |
巿面上推出咗好多唔同種類o既bb base,但我就覺得唔係隻隻牌子都好用，有d塗咗後就太笠,一係就太厚身,夏天感覺好唔舒服,而且我本身係勁油皮膚,就更出得油多,唔駛半日我就成面油,d妝都溶晒,就算補完妝都唔靚!
但試過lancome這個bb base後,感覺好唔同,質地好薄,一d都唔覺得笠,而且容易推開又塗得均勻,只要薄薄一層就可以遮掩到面部o既瑕疵,令膚色睇起來更均勻有光澤!平日更可以當作粉底,唔駛再上粉,出門口只要加多少少姻脂就已經好靚!而且keep得耐,全日都唔會有好多油出，真係好好用!
Lancome
Lancome UV Expert Neuroshield
Lancome 全方位防禦抗曬乳
| 價錢： | $330 | ||
| 總評： | 4.8 | 用家： | godman,2010-04-24 17:18:50 |
好開心可以被選為試用者之一，真係好多謝elle，因為自己本身都用開lancome 的防曬產品，所以今次出咗新產品就當然好想試用啦!
今次新出的防曬乳，比起以前的更加好用，因為質地超薄，一d都唔會覺得笠，質地半水狀奶白色，好容易就會被肌膚吸收，而且更加滋潤，感覺好保濕，其實夏天更加需要保濕，因為我係比較容易出油，由其到夏天，出油o既情況就更加嚴重，化妝後都keep得唔耐，但用咗這產品兩星期，就已經感受到這好處，因為出油o既情況減少咗好多，而且仲白咗好多o忝!就算化咗妝都keep得好耐，而且防曬度夠高，又唔駛再補，只需少少份量就可以塗滿全個面，所以好底用，依家仲出咗個套裝，真係底買。
