Detail Choice Page / Beauty Guide / Beauty Guide, Beauty Tips, 星級化妝師

價錢：	$160
總評：	4.6	用家：	wahwah1224,2010-08-25 10:50:32

一向覺得CLINIQUE係致力研發Mascara既大牌子之一, 因為佢不斷推出不同種類既Mascara, 務求做到能夠符合每位女士既需要, 我自己就用緊Defining Power Mascara, 其雙重梳／刷頭能夠締造豐盈濃密效果, 簡直令我一試愛上, 所以當知道ELLE可以試用佢最新既CLINIQUE Lash Power Volumizing Mascara, 我就第一時間報名, 期待再有新既驚喜, 好好彩今次被選中, 係度要多謝ELLE先~ Thanks!!

我知道今次既mascara賣點係4D掃頭, 能輕易地把每根上下睫毛都全面覆蓋, 開蓋後, 果然發現佢既掃頭係較一般mascara掃頭做得更為細緻, 輕輕一掃, 其細而長就能黏着份量適當既纖維, 可以均勻地把我上同下既所有睫毛都蓋着, 而且佢既色澤好光亮, 只塗一層, 係唔洗用睫毛夾夾既情況吓, 我既上眼睫毛可以每條都自然地翹起, 而本身下睫毛短少到近乎冇既我, 竟然可以將每條幼毛都call番出黎, 而且佢真係好快乾, 又冇甩色, 一啲都冇殘餘纖維黏係我個眼肚, 咁我以後都唔洗再花大量時間等佢地乾la (有時關鍵果1分鐘直頭唔敢眨眼添)。

之後我發覺係直到放工時間個色同睫毛形狀都冇走過樣(即係變直), 無論係中午多汗多面油既時間定係0係office時既冷氣環境吓, 竟然冇化到, last得好耐呀~平時已經要係咁係toilet揾lotion + cotton 勁抺眼肚下既黑眼圈la~

至於纖長效果方面, 佢可以令到我本身既睫毛長左三倍, 揾睫毛夾+搽完一層: 彷如戴左假睫毛一樣, 效果幼細自然, 隻眼大左好多; 如果要有濃密效果, 只係趁佢半乾時再補一層係面, 嘩, 喜歡甲由腳既朋友一定開心到不得了, 何況佢既快乾效果可以好快咁就轉妝, 超方便呀~

返到屋企後, 我即刻用温水試吓, 睇吓係咪佢能夠如廣告中所講, 能完全卸走所有mascara, 結果係…超惦呀, mascara遇水即甩, 我前后用水抺左二次, 已經再冇殘留物留係睫毛上面, 唔洗我再用cleanser過水or 再抺, 咁眼部皮膚就可以徹底保護, 唔會提早因為拉扯+化學物既問題而出現眼肚,敏感及眼紋, 真係好開心能夠揾到一枝咁貼心既mascara, 又快又方便效果又好, 我相信以後我都唔洗再揾或再轉其他牌子啦!!

Shu Uemura

Shu Uemura White Recovery EX+...

淨透美白潔顏油─維他命C溫和進階...

價錢：	$620	容量：	450ml
總評：	4.4	用家：	wahwah1224,2010-02-17 12:34:31

除咗bobbi brown既卸妝油外, 最鍾意就係Shu Uemura 既cleansing oil, 卸妝功能一流, 乳化既效果顯著, 而且用後皮膚一d都唔乾, 無起過幼紋, 而呢款仲有美白功能, 卸完妝皮膚變得白滑, 皮膚變得有光澤, 而且入面仲加咗維他命c, 卸妝同時可以為皮膚帶來養份, 值得買嚟用呀.

Shu Uemura

Shu Uemura White Recovery EX+...

淨透C2高效美白精華

價錢：	$500	容量：	30ml
總評：	3.2	用家：	wahwah1224,2010-02-17 12:30:01

味道好清, 俾人一種好舒服既感覺, 用咗1個星期, 整塊面既tone亦都均勻咗, 但可能唔係重點去黑色素既關係, 雀斑&痘痘印都仲係好深少, 可能要用上一段好長既時間, 先可以真正咁減淡, 如果想重點去斑既sis, 我唔suggest用呢隻product

Shu Uemura

shu uemura false eyelash

shu uemura 皮革閃石彩妝睫毛 (...

價錢：	$160	容量：	0ml
總評：	4.4	用家：	wahwah1224,2010-02-17 12:22:05

最鍾意呢款假眼睫毛, 質地都算ok, 而且貼出嚟既效果真係幾好睇, 有d閃, 而且都幾濃密, 由於自己一向都有用開shu uemura 既假眼睫毛, 就算用完再用, 都唔易甩毛, 所以知道品質一定有保証. 我自己就覺得呢款貼咗都幾閃, 我唔夠sharp, 但overall出嚟個型同效果都幾靚, 如果可以閃d會更好.